Најголемата фонтана во светот се наоѓа помеѓу највисоката зграда во светот “Бурџ Калифа” и најголемиот трговски центар во светот “Дубаи Мол” во Дубаи.
Оваа фонтана во центарот на Дубаи зафаќа површина од 120.000 метри квадратни, долга е 275 метри, исфрла 83.000 литри вода во секунда, а млазот може да достигне висина до 73 метри.
Фонтаната има танцувачко шоу неколку пати во денот, откако ќе започне да се стемнува и навистина е спектакл да се погледне ова нејзино шоу на арапска или светска музика.
Осветлена е со 6.600 светилки, а погледот на ова музичко шоу од највисоките катови на Бурџ Калифа е бесценето доживување.
Уживајте неколку минути во шоуто на најголемата разиграна фонтана во светот:
Автор на текст и видео: А. Петровска
©patokolusvetot.mk Забрането преземање и копирање. Крадењето на авторски текстови е казниво со закон
