Photo: Global residence index from Unsplash.com

Како и претходните години, и оваа година The Henley Passport Index изработи топ листа на најмоќни пасоши во светот. Листата ги рангира пасошите според тоа во колку држави може да се влезе без виза и за колку држави е потребна виза. Оваа листа се базира на податоци обезбедени од International Air Transport Authority (IATA) и опфаќа 199 пасоши и 227 земји и територии од целиот свет. Се ажурира во текот на целата година со секоја измена на визната политика.

Оваа година првото место му припаѓа на Сингапур – најмоќен пасош на светот, со кој може без виза да се влезе во 195 држави.

Второто место го делат Франција, Германија, Италија, Јапонија и Шпанија со влез во 192 држави без потребна виза, а третото место го делат пасошите на Австрија, Данска, Финска, Ирска, Луксембург, Холандија, Јужна Кореја и Шведска со 191 држави за кои не е потребна виза.

Од поранешните југословенски држави, најдобро рангирани се пасошите на Словенија (10-то место) и Хрватска (11-то место).

Photo: Kit (Formerly ConvertKit) from Unsplash.com

Топ 10 листата на најмоќни пасоши за 2024 година изгледа вака:

1. Сингапур (влез во 195 држави без виза)
2. Франција, Германија, Италија, Шпанија и Јапонија (192)
3. Австрија, Данска, Финска, Ирска, Луксембург, Холандија, Јужна Кореја, Шведска (191)
4. Белгија, Нов Зеланд, Норвешка, Швајцарија, Обединето Кралство (190)
5. Австралија, Португалија (189)
6. Грција, Полска (188)
7. Канада, Чешка, Унгарија, Малта (187)
8. САД (186)
9. Естонија, Литванија, Обединети Арапски Емирати (185)
10. Исланд, Латвија, Словачка, Словенија (184)
Македонскиот пасош на оваа листа се наоѓа на 42-то место од вкупно 105 места, при што со пасошот без потребна виза може да се влезе во 128 држави.
Нашиот пасош најдобро рангирање имаше во 2014 година, кога се наоѓаше на 36-то место, а најлошо рангиран беше во 2008 година на 55-то место.
Најлошо рангиран пасош е пасошот на Авганистан кој го завзема последното 105 место, со само 26 дестинации до кои може да се патува со овој пасош без виза.
Прочитајте како да проверите дали ви е потребна виза за патување:

Виза – Како да проверите дали ви е потребна за патување

Прочитајте колку месеци пред да ви истече важноста на пасошот може да патувате во странство:

Колку месеци пред да ви истече важноста на пасошот може да патувате во странство

ПОВРЗАНИ НАПИСИПОВЕЌЕ ОД АВТОРОТ