Photo: www.patokolusvetot.mk

Без разлика дали планирате да патувате во сопствена режија или преку туристичка агенција – проверете дали ви е потребна виза за влез во државата која сакате да ја посетите.

Не тргнувајте на пат надвор од границите на државата без навремено да проверите дали ви е потребна виза за влез во планираната дестинација, а исто така ако патувате со авион и менувате два или повеќе летови додека да пристигнете на финалната дестинација – проверете дали ви е потребна транзит виза за државата во која ќе менувате авион (на одредени аеродроми во светот, иако ни е потребна виза за влез во државата во која се наоѓа аеродромот – дозволено е да поминете неколку часа без транзит виза).

Дали ви е потребна виза за која и да било држава во светот, може да проверите на официјалната веб страна на Министерството за надворешни работи или на веб страната на Passport Index или пак директно да ја исконтактирате нашата амбасада (или амбасадата која е надлежна за македонските граѓани) во државата која планирате да ја посетите.

Заштитете се од стрес при патување и секогаш направете ја оваа проверка.