Секоја држава има свои правила на однесување и општо прифатени манири и култура, но дали секој турист го почитува местото кое го посетува? Многу луѓе кога ќе отидат на патување, ги забораваат добрите манири на однесување и стануваат напорни во друга држава. Па, кои туристи се најиритирачки, најнапорни, најнељубезни, најизгубени, најснобови?
The travel bible објави топ листа на 10 држави од каде доаѓаат најлошите туристи на светот:
10. Германци – Опишани како претерано подготвени освојувачи, кои летувањето го третираат како воена операција, тие се оние на плажа во 6 часот наутро кои поставуваат пешкири за да го фатат најдоброто место и се опседнати со правила, па така го имаат целосно прочитано и договорот за користење на wi fi во хотелот.
9. Канаѓани – Опишани како оние кои бараат внимание и постојано се извинуваат за се’, вклучително и за работи што не ги направиле. Удрил во стол? „Извини“. Некој го гази? „Извини“. Вулкан еруптира? „Извинете, мора да е заради нешто што кажавме, а?” Канаѓаните бараат внимание. Тие се оние кои шијат канадски знамиња на нивните ранци, за сите да знаат колку се пријателски расположени и не се Американци.
8. Австралијанци – Опишани како туристи кои се однесуваат како да одат на аудиција за реално шоу „Преживеан:Меѓународно издание за лошо однесување“. Без разлика дали се обидуваат да јаваат статуа во Рим или се обидуваат да сурфаат на свет споменик, Австралијците ја подигнуваат титулата за најлоши туристи во светот.
7. Французи – Опишани како кулинарски снобови кои мислат дека кујната на секоја друга земја е злосторство против човештвото. Француските туристи се оние кои во италијанските ресторани бараат „вистинско“ маслиново масло и кои во јапонските суши барови прашуваат дали готвачот некогаш бил во Франција за да научи како „правилно“ да подготвува риба.
6. Индијци – Опишани како рој што лови зделки, Индијците се туристи кои се ценкаат за се’ и сешто. Сте виделе ли човек што се расправа со венецијански гондолиер за цената на две минути возење? Најверојатно е од Индија. Жена што се обидува да добие попуст во “Лувр” затоа што е „животен студент“? Веројатно е од Индија.
И да не ги заборавиме групните селфи фотографии. Еден индиски турист е фотограф, но група индиски туристи е целa филмска екипа, полна со режисерски совети и повеќекратни снимки. Како да го снимаат следниот голем боливудски блокбастер, но единствената ѕвезда е нивното колективно его.
5. Руси – Опишани како освојувачи под дејство на вотка, руските туристи имаат репутација на гласни, бучни и неверојатни љубители на алкохол. И да не ја заборавиме нивната љубов кон бундите. Да, Олга, разбираме, имаш бунда, но можеби амазонската прашума не е најдоброто место за да ја покажеш?
4. Американци – Oпишани како гласни и изгубени, американските туристи лесно се забележуваат: тие се оние кои носат бејзбол капи, дуксери од факултет и збунет израз кога ќе дознаат дека не секој прифаќа американски долари или зборува англиски. И се познати по тоа што даваат бакшиш и на кого треба и на кого не треба. Келнер? Бакшиш. Такси возач? Бакшиш. Случаен минувач кој им дал упатство? Бакшиш.
3. Британци – Опишани како хулигани изгорени од Сонцето, тие патуваат илјадници километри до егзотични локации, а потоа целото време го поминуваат во англиски паб гледајќи фудбал. Британските туристи се познати по љубовта кон алкохолот и неспособноста да се справат со Сонцето. Познати и по фудбалскиот хулиганизам: секојпат кога Англија губи натпревар, британските туристи чувствуваат потреба да се утешат со претворање на локалниот плоштад во сцена од „Лудиот Макс“, само со повеќе лименки пиво и помалку кул автомобили.
2. Израелци – Опишани како командоси од Светата Земја, израелските туристи лесно се забележуваат, бидејќи тие се оние кои го третираат секој одмор како да е воена операција, со сандали и карго шорцеви, исполнети со доволно гаџети за да го направат Џејмс Бонд љубоморен. Израелците при ценкање преговараат како да посредуваат за мировен договор на Блискиот Исток. Без разлика дали се работи за политика, религија или најдобар начин за готвење шаварма, Израелците имаат свое мислење и не се плашат да го споделат гласно со сите, среде романтична вечера, забава на плажа или погреб.
1. Кинези – Опишани како освојувачите на селфи стапчиња, Кинезите го завземаат првото место. Вооружени со селфи стапчиња кои би можеле да се удвојат како свод со стап, кинеските туристи се во мисија да ја документираат секоја секунда од своето патување, без разлика колку е несоодветна или незгодна. Дали некогаш сте виделе некој да се обиде да направи селфи со чувар во Лувр? Или како некој брка верверица низ Централ Парк за совршено видео на Инстаграм? Да, тие се од Кина. Кога ќе завршат, ќе посакате Кинескиот ѕид да бил изграден за да ги држи внатре, а не другите надвор.
По оваа листа, на следно патување точно ќе знаете која земја да ја обвините за иритирачко однесување на група туристи.
Целиот текст може да го прочитате ТУКА.
