Според дадената препорака на Европската комисија, македонските државјани наскоро би можеле да патуваат во земјите – членки на Европската Унија.
Оваа информација денеска ја објави на својот Twitter профил Еврокомесарот за проширување на ЕУ – Oliver Varhelyi:
„Европската комисија препорача да се укинат ограничувањата за патувања за државјаните на сите земји од Западен Балкан – Албанија, Босна и Херцеговина, Црна Гора, Северна Македонија, Србија и Косово, започнувајќи од 1 јули, бидејќи епидемиолошката ситуација во овие земји е слична или подобра од онаа во Европската Унија“.
.@EU_Commission also recommends to lift travel restrictions for 🇦🇱 🇧🇦 🇽🇰 🇲🇪 🇲🇰 🇷🇸 as of 1 July, as their epidemiological situation is similar or better than that of #EU. This follows our readiness to closely associate #WesternBalkans w EU roadmap to lift containment measures. https://t.co/VqpPS6GH6f
— Oliver Varhelyi (@OliverVarhelyi) June 11, 2020
Исто така, Европската комисија дава препорака на земјите-членки на ЕУ да ги укинат сите внатрешни гранични контроли (во Шенген зоната) до 15 јуни 2020. Предлагаат јасен и флексибилен пристап кон отстранување на ограничувањата за патување во ЕУ, започнувајќи од 1 јули – соопшти комесарката за домашни работи на ЕУ Ylva Johabsson.
