Како и претходните години, и оваа година најпознатиот портал за патувања “Tripadvisor” објави листа со најдобри плажи во Европа. Листата е составена врз основа на сублимирани мислења, прегледи и оценки кои ги оствариле посетителите на овој портал.
Ќе се изненaдите, но најдобрата плажа во Европа за оваа година нема бел, ситен песок и тиркизна боја на водата. Оваа плажа има црн песок и високи бранови. Станува збор за плажата Reynisfjara, која се наоѓа покрај малото рибарско село Вик на Исланд.
Позната е по своите драматични природни пејзажи: шестоаголните базалтни карпи, морската пештера Халсанефшелир и големите карпести формации кои се издигнуваат од морето. Треба да се биде внимателен кога се посетува, бидејќи може да има бранови и треба да се држи безбедно растојание од брегот.
Топ 10 листата на најдобри плажи во Европа за 2023 продложува со:
2. Praia da Falesia, Португалија
3. Spiaggia del Conigli, Италија
4. La Concha Beach, Шпанија
5. Playa de Muro, Шпанија
6. Falassarna Beach, Крит, Грција
7. Nissi Beach, Кипар
8. Balos Beach, Крит, Грција
9. Sotavento Beach, Шпанија
10. Plage du Sillon, Франција
Комплетната листа со 25 најдобри плажи во Европа за 2023 може да ја погледнете ТУКА.
