Photo: Peter Hansen/Unsplash

Со надеж дека пандемијата од Covid-19 ќе заврши или ќе се стави под контрола во 2021 година, компанијата Viking World Cruise објави понуда за големо крстарење во траење од 161 ден, кое е предвидено да започне на 24 Декември 2021 година од пристаништето во Мајами, Флорида.

Предвидено е да се посетат 33 земји и бродот да се укотви во 56 места. Од Мајами ќе се плови кон Колумбија и Мексико, од таму кон Нов Зеланд и Австралија, потоа кон Индонезија, Малезија, Кина, Индија, од таму кон Оман, Јордан, Египет, па кон Европа – Турција, Грција, Италија, Шпанија, за да после половина година патување, стигне до крајната цел – Лондон во Англија.

Цената по патник за ова крстарење изнесува 60.000 долари (~ 50.500 евра), а бродот може да прими вкупно 930 патници.

Photo: Reinhard Schulze/Unsplash

Подетални информации за ова патување и распоредот на пловење по денови може да се прочитаат на веб страната на Viking World Cruise.